Ek savera

Subah ki pehli kiran ka meri aankon ke darwazey par dastak.
Aaj ka ujaala bhi kuch accha hoga, accha hi hoga na?
Phir daudtey se log dikney lageingey, phir koi naya silsila hoga.
Bichaa doonga taat sa khud ko phir sabkey saamney,
Phir shaayad kisi mathey ka ghar mera kaandha hoga.

Pichlee raat phir kinhi jabzbaaton ko udhela kisi ne mujhpar,
Sochta hoon uska ujaala aaj kaisa hoga? Dua hai meri ki accha hoga.
Mere kurtey ka kona atka kisi ki soch ki kundi par, chudaaoon usko?
Ki kaheen na kaheen mera daaman bhi phata hoga.
Udhadtey se mere kapdon mein se koi zakham dikh gaya hoga.

Pallu odey ek suhagan ka sringaar karta sa ujala,
Kisi beva ki bhi maang bharta hoga, rang sunehri uspar rangta hoga.
Choom loonga har dard, har gam ke honton ko jabran joothi moothi.
Dar unko bhi mujhsey thoda toh lagta hoga.
Honsley mein mere issee ujaala bhi ram gaya hoga, mujhmey hi gum gaya hoga.